_1749706564.jpeg)
मिसेस स्टेट २०२५, सिजन थ्री, कोशि प्रदेश ट्यालेन्ट राउन्ड सम्पन्न
समाचारदाता : विकास चाम्लिङ राई
२०८२, जेठ ११ गते ।
धराने मिडिया : विवाहित महिलाहरुलाई लक्षित मिसेस स्टेट, कोशि प्रदेश सिजन थ्रीका प्रतिश्पर्धीहरु विच ट्यालेन्ट राउण्ड सम्पन्न भएको छ ।
धरान १८ स्थित गुरुङ्ग गुम्वा परिसरमा रहेको सभाहलमा शुक्रवार ट्यालेन्ट राउण्ड संपन्न भएको थियो ।
ट्यालेन्ट राउण्डमा मिसेस स्टेट सिजन थ्रीमा सहभागि १८ जना प्रतिश्पर्धिहरुले आफुमा भएको प्रतिभा निर्णायकहरु माझ प्रस्तुत गरेका थिए । सहभागि प्रतिश्पर्धिहरुले आप्mनो क्षमता अनुसार गायन, नृत्य तथा वत्तित्वकला प्रस्तुत गरेका थिए ।
ट्यालेन्ट राउण्मा निर्णायकको रुपमा महेन्द्र वहुमुखि क्याम्पसका उपप्रध्यापक एवं अग्रज पत्रकार राजेश विद्रोहि, नृत्य निर्देशक संघ सुनसरीका अध्यक्ष मनि राई, आउटसाइर्डस व्याण्डका भोकलिस्ट प्रशान्त शर्मा, डिस्ट्रिक ३२५ सि लायन्स लिडर एकता श्रेष्ठ र मिसेस स्टेट सिजन वानका सेकेन्ड रनर अप निरा संकर रहेका थिए ।
शुक्रवार संपन्न ट्यालेन्ट राउण्डको नतिजा खामवन्दि गरेर आयोजकलाई वुझाएको निर्णायक राजेश विद्रोहिले जनाएको छ ।
निर्णायकको निर्णय रहेको खामको शिल यहि १५ गते हुने ग्राण्ड फिनालेको दिन निर्णायहरुको उपस्थितिमा खोलिने आयोजक वुमन्स वर्थ ग्रुपका अध्यक्ष सुजता श्रेष्ठले जनाए ।
विवाहित महिलाहरुको क्षमता अभिवृद्धि तथा प्रदर्शन गर्ने उद्धेश्यले डव्लु डव्लु जि (वुमन्स वर्थ गु्रप) को आयोजनामा हुन लागेको मिसेस स्टेटका सहभागिहरुलाई कोरियोग्रफर डिजे ललित राईले प्रशिक्षण गराइरहेका छन ।
उनिहरुलाई धरान ९ स्थित इनलाइट फिटनेसको हलमा स्टेज प्रस्तुतिका लागि प्रशिक्षण गराइरहेको छ । सहभागिहरुको शारिरिक तथा मानसिक क्षमता अभिवृद्धि तथा व्यक्तित्व विकासका लागि वेशाख २४ गते देखि सम्वन्धित विषयका विज्ञहरु द्धारा प्रशिक्षण गराइरहेको आयोजकले जनाएको छ ।
मिसेस स्टेट २०२५, कोशि प्रदेश सिजन थी्रका विजेताले नगद रु. ५१ हजार, क्राउन, ट्रफि, गिप्mट ह्याम्पर, फ्रि क्रन्च फिटनेस कार्ड र एक वर्षको लाइफ इन्सुरेन्स प्राप्त गर्नेछ ।
फस्ट रनर अपले नगद रु. २५ हजार र सेकेन्ड रनरअपले नगद रु. १५ हजार क्राउन, ट्रफि, गिप्mट हयाम्पर, फ्रि क्रन्च फिटनेस कार्ड र एक वर्षको लाइफ इन्सुरेन्स प्राप्त गर्नेछ ।
यसैगरि टाइटल अवार्डमा मिसेस ट्यालेन्ट, मिसेस पर्सनालिटि, मिसेस व्युटिफुल, मिसेस फ्रेन्डशिप, मिसेस वेस्ट वक, मिसेस स्माइल, मिसेस फोटोजेनिक, मिसेस डिसिप्लिन, वेस्ट ड्रेस, मिसेस एक्टिभ र पिपल्स च्वइस अवार्ड रहेको छ ।
उनिहरुले ट्रफि, प्रमाणपत्र र गिफ्ट ह्याम्पर प्राप्त गर्नेछिन । मिसेस स्टेट २०२५, सिजन थ्री कोशि प्रदेशको ग्रान्ड फिनाले धरान १६ स्थित गुरुङ विविक्यु पार्टि प्यालेसमा हुनेछ ।
